Борислав Кузмановски го фати светиот крст во црквата „Свети Никола“

Кузмановски за првпат го фаќа крстот, а по трет пат скока по него на големиот христијански празник Богојавление - Водици.

„ Не очекувава дека ќе го фатам крстот, но среќата денеска беше на моја страна и се надевам дека ќе ме следи во текот на целата година. Скокав заради здравје, таков е адетот на овој голем празник. Посакувам на сите мои сограѓани многу здравје, среќа и љубов. Им порачувам на младите да се пријавуваат на оваа манифестација и да ја продолжат оваа наша убава традиција“, кажа Кузмановски.

Кузмановски доби подароци од црквата и донатори, а градоначалникот му врачи телевизор.

Во базенот на црквата „Свети Никола“ денеска скокаа околу 50-тина момчиња.

Ивана Алексовска