Зачленете се во нашиот клуб на читатели и најновите текстови ќе ги добивате на вашата мејл адреса
Општина Куманово ќе продолжи со поставување на подигнати пешачки премини на повеќе локации во градот и покрај противењето на дел од граѓаните, најави градоначалникот Максим Димитриевски.
Целта да се зголеми безбедноста во сообраќајот и да се натераат несовесните возачи да ја прилагодат брзината според условите на патот во населено место.
- Имаме многу барања од граѓаните за поставување на подигнати пешачки премини или успорувачи во сообраќајот. Различни се коментарите на граѓаните, задоволни се тие коишто живеат на тие улици каде што се поставуваат, а оние што не живеат на тие локации туку само ги користат се против. За мене како градоначалник и на Општината најбитна работа е безбедноста на најмладите во сообраќајот. Затоа дадовме приоритет на локациите во близина на основните и средни училишта, детски градинки и јавни установи. Ние ќе продолжиме со тој интензитет, - изјави градоначалникот Димитриевски.
Тој додаде дека во последните три години поставиле најмалку 60 „лежечки полицајци“ на различни локации, но нема надлежност да поставува на регионалните патишта.
Минатата недела поставени се средства за намалување на брзина на движење на возилата во близина на ОУ „Битолски Конгрес" с. Лопате.