Честитка од градоначалникот по повод Денот на Републиката

Во свое име и во името на локалната самоуправа ви го честитам празникот 2 Август – Илинден – Денот на Републиката. Ден кога ги славиме и се потсетуваме на голем број револуционери и борци за независна Македонија, кои со својата крв ги испишаа најславните страници од историјата на македонскиот народ.  Благодарение на двата Илиндена, 1903 и 1944, кои се светилникот на нашата борба за сопствена држава, денес имаме можност да живееме во демократска и независна Република Македонија.

Илинден прераснува во синоним на нашето постоење, и денес 114 години после Илинденското востание и 73 години по првото заседание на АСНОМ , можеме да кажеме дека секоја генерација Македонци има своја борба. Нашата борба е  да продолжиме посветено да работиме, секој во рамките на своите можности, со што сите заедно ќе да допринесеме во изградбата на една уште помодерна и просперитетна општина Куманово, - стои во честитката од градоначалникот.