Четиригодишно дете се затруло со детергент

„Вчера во 22:42 часот во СВР Куманово од Општа болница Куманово било пријавено дека кај нив било донесено затруено четиригодишно дете од Куманово. Се преземаат мерки за расчистување на случајот“, соопшти Кумановската полиција.

Од болницата информираат дека на детето му е укажана итна медицинска помош и поради сериозноста на состојбата било пренесено на Клиниката за токсикологија во Скопје.

За два месеци ова е трет случај на труење на деца,  прво едногодишно бебе од липковското село, а неколку дена подоцна и десетмесечно бебе од Куманово.