Да се исчистат дивите депонии во градот, бара ВМРО-ДПМНЕ

„Денеска се наоѓаме на влез во населбата Перо Чичо, најголемата приградска населба. Тука е направена  дива депонија, која неконтролирано се пали и чадот се шири низ околните станови и куќи. Лошо може да се одрази врз здравјето на децата и родителите кои живеат во околината. Овој дел одамна ги загубил зелените површини, а иста е сликата и низ центарот на градот. Покрај оваа депонија, низ градот на уште неколку места постојат депонии на кои сите граѓани реагираат, но сепак одговорните и градоначалникот немаат слух. Го прашуваме градоначалникот зашто не му функционираат јавните претпријатија кои се одговорни и должни да ја одржуваат хигиената во градот, - изјави Биљана Димитриевска од ВМРО-ДПМНЕ.