Да се зголемат капацитетите на Кумановската болница за лекување на пациенти од коронавирус, побара Општинскиот штаб

 „Бараме од Владата во соработка со Општина Куманово да пристапи на зголемување на капацитети на болницата за третирање на пациенти со ковид-19, со подготовка на ковид болница на простор утврден од Општина Куманово и  Министерство за здравство и заедничко инвестирање, со цел да се зголеми капацитетот на Општа болница Куманово и да се подготвиме за евентуалните пикови во наредниот период на ковид кризата“, - стои во соопштението од ОШЗС.

 Кризниот штаб смета дека почитувањето на мерките за заштита од коронавирус се на незадоволително ниво, бидејќи поголеми групи на луѓе непречено се движат во одредени делови на градот, не се почитува социјална дистанца и не се носи заштитна опрема. Затоа бара под итно дејствување од МВР за да се спречи евентуално зголемување на нови случаи, кои што се последица на непочитување и неодговорно однесување на граѓаните.