Дамјановски: Испораката на вода тече нормално

Тие признаваат дека е зголемен бројот на дефекти во водоводната мрежа, поради обидот да дистрибуираат максимална количина на вода во секој дел од градот.

Околу изјава дека градинки, социјални установи, централно градско подрачје немаат вода со денови, одговорно ги повикуваме заедно со нив да отидеме на секоја локација на која што тврдат дека немало вода четири дена, три или два дена, и пред тие граѓани да објасниме дали имало вода или немало вода. Имаме зголемен број на дефекти поради притисок во нашата водоводна мрежа затоа што се обидуваме во овие жешки денови да дистрибуираме максимални количини на вода, за да секој дел на градот има вода. Значи имаме дефекти, што се дел од секојдневна работа. Нема дел на град којшто бил без вода неколку дена или 48 часа како што тврдат од ВМРО-ДПМНЕ. Не е време за кампањи, кампањите почнуваат од август месец, сега е битно да се одржи водоснабдување и граѓаните да бидат задоволни. Околу тоа колку е квалитетна, односно неквалитетна водоводната мрежа на град Куманово исто така ги повкувам почитуваните пратеник и претседател да кажат зошто ги блокираат двата проекти на Општина Куманово и ЈП „Водовод“, тоа е проект за замена и инсталација на нова водоводна мрежа и борила за вод и проектот Скада систем, кој на секој доводен и одводен канал до фабрика за вода и кон граѓаните ќе се поставаат електронски протокомери и мерачи на притисок, проект со кој буквално ќе беше осовремена водоводната мрежа на Опшина Куманово – изјави Горан Стојковски, директор на ЈП „Водовод“.

Градоначалникот Зоран Дамјановски изјави дека политиката повторно се вмешува во водоснабдувањето во Куманово, како единствен механизам да се блокира градот.

Испораката на водата во Куманово тече нормално по моите сознанија од директорот, Куманово е огромен град и потрошувачката во овие летни горештини и наводнување на дворовите го прават своето. Упатувам порака дека не е добро да игра на оваа карта, затоа што сигурно ќе се изгуби, а осообен виновник за целата состојба во ЈП „Водовод“ е „Кумановско-липковско поле“ кое е под силна сугесија на пратеникот и на нивните ПР-и во централата кои нема што да прават па го блокираат Куманово на разни нивоа, изјави Дамјановски