Дарко Петковски поднесе оставка на советничката фунција, ќе работи како тренер во странство

Тој добил работен ангажман како тренер и професор по физичко во приватно училиште во Абу Даби, Обединети Арапски Емирати.

„Заминувам во потопли краеви, но многу поважно е што ќе се концентрирам на она што најмногу сакам да го работам во животот, а тоа е спортот. Дојде време за нови чекори и нови искуства во животот. Не планирам веќе да се занимавам со политика и кога ќе се вратам ќе продолжам со она што е мое основно занмиање, професор по физичко образование или тренер на некој клуб“ истакнува Петковски.

 Петковски дипломирал на Факултетот за физичка култура во Скопје, во моментот  ја врши функцијата спортски директор на Кошаркарскиот клуб Куманово, покрај тоа е и спортист, пејач, инфлуенсер. Мандатот му беше верификуван во октомври 2022 година, како дел од советничката листа на движењето „За наше Куманово“.

На негово место ќе дојде следниот кандидат од советничката листа на здружението Гордица Бошковска.