×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Денеска се слави Свети Никола

    19.12.2010 09:47 | KumanovoNews

     Православните христијани денеска го празнуваат Свети Никола Чудотворец, светецот заштитник на децата, морепловците, девојките, сиромашните, учениците, пекарите, аптекарите, трговците, патниците...

    Денеска се слави Свети Никола

    Свети Никола е еден од најпочитуваните светци, a го слават и православните и католиците, но и дел од муслиманите, особено во Турција. Во Македонија  има многу цркви и манастири кои се посветени на овој светец.

    Свети Николај Чудотворец, архиепископ Мирликиски се смета за заштитник на морињата. На христијанските бродови обично се наоѓа иконата на светителот, а спроти денот на славењето бродовите застануваат каде и да се наоѓаат, се фрла сидрото во морето, ќе се помолат и ќе прославуваат цел ден, а утредента ќе го продолжат пловењето.

    Христијаните веруваат дека Свети Никола Чудотворец на многу пати ги спасувал изгубените бродови и поради тоа тој е заштитник на морепловците, рибарите, бродовите. Во Германија, Холандија и Белгија се празнува како детски празник кога децата добиваат разни поклони во зависност од тоа кој колку бил послушен во текот на изминатата година. Во православната црква е еден од најголемите и најпочитуваните светци.

    Во христијанскиот календар, свети Никола се слави на 6 декември според стариот календар и на 19 според новиот. Бидејќи е во време на божиќните пости, се слави со посна храна.

    Во Куманово најстарата црква во градот го носи името на Свети Никола, и денеска ќе се служи свечена литургија. Најголем дел од православните верници во Куманово го слават овој празник како домашна слава.

    Многу  семејства со богата посна трпеза на која преовладуваат рибата и посните сарми ќе го прослават празникот. Свeти Никола се поистоветува и со најомилениот лик во светот на децата популарниот Дедо Мраз.