Димитриевски деградирал 20 вработени во Општината затоа што се членови на СДСМ, тврди Костовски

Пратеникот Мартин Костовски денеска на прес конференција обвини дека Димитриевски уште во првите денови на вториот мандат започнал со одмазда кон своите политички неистомисленици и над 20 вработени лица во Општина Куманово овие денови се распределени на пониски позиции или се преместени да работат на други работни места. 

„Причината за преместувањата и деградирањата е само тоа што овие луѓе се истакнати активисти и членови на СДСМ.
Ова е класичен политички реваншизам и самоволие на градоначалникот Димитриевски, постапка која потсетува на едни режимски времиња. Со ваквите постапки се покажа недемократското и неодговорно лице на Максим Димитриевски кој решил заради лични каприци, да се пресметува и казнува луѓе кои со години и децении работат во општината.  Јасно ни е дека Димитриевски ќе продолжи со притисоците, но и нему треба да му биде јасно дека со ваквиот однос нема да исплаши никого“, вели Костовски. 

Тој апелираше до сите вработени кои се под притисок на Димитриевски, да пријават во СДСМ, а тие ќе сторат се за да ги заштитат од закани, притисоци и уцени од градоначалникот.