Документарецот „Медена земја“ во Куманово

Филмот во режија на Тамара Котевска и Љубомир Стефанов, доби неверојатна популарност, бидејќи носи здрава порака, во време на искомерцијализираното општество.

Дејството во „Медена земја“ е сместено во напуштено село Бекрилија во Македонија, каде жена на 50 годишна возраст, собира мед на традиционален начин за да се прехрани, но секогаш несебична е кон пчелите. „Половина за нив, половина за мене“, вели Хатиџе.

Хатиџе е херојот на денешното време, која ни покажува дека единственото нешто кое на човекот му е потребно е токму љубовта, која таа ја има изобилство. Нејзината несебичност, и нејзината поврзаност со природата „му ги отвораат очите на светот“, дека доколку не ја чуваме природата таа ќе ни возрати на ист начин. Љубовта е можна само доколку е взаемна. Ние станавме уништувачи, на нешто кое ни дарува живот.

„Медена земја“ е вистинско ремек дело, кое кога ќе го гледа, човекот има чувство како да е снимано со невидлива камера, се` во филмот е прикажано целосно природно, - оценуваат критичарите.

Документарецот „Медена земја“, минатиот петок започна да се прикажува низ Македонија, меѓу кои градовите: Скопје, Кратово, Штип, Крива Паланка, Струга, Битола, Свети Николе и Охрид.

Филмот ќе се прикажува се додека има интерес кај публиката.

Кaрти секoј ден oд 9 дo 12 чaсот и oд 18 дo 20 часот нa билетaрaтa нa МКЦ Кoзјaк. Ценa 100 денари.