Зачленете се во нашиот клуб на читатели и најновите текстови ќе ги добивате на вашата мејл адреса
Двајцата новозаволени од вирусот КОВИД-19, кои денеска беа потврдени, се од липковските села и потекнуваат од познати кластери, информираат за Кумановоњус од Центарот за јавно здравје Куманово.
„Станува збор за две жени на различна возраст, едната е од Отља, а другата од Липково. Тие потекнуваат од познати кластери, имале контакти со заболени во нивните семејства и се заразиле,- изјави Ариф Љатифи, директор на Центарот за јавно здравје во Куманово.
Во изминатиот период повеќето заболени од коронавирус се од липковско.
На Инфективното одделение во Кумановската болница се смести 7 пациенти, од кои тројца се позитивни, а четворица се негативни, но сеуште се на лекување.
Во Центарот за јавно здравје во Куманово досега се регистрирани 413 позитивни на коронавирус, од општините Куманово, Липково и Старо Нагоричане. 43 сеуште се активни.