Две меѓународни награди освои сопственичката на фризерско студио „Нате“

Додевска во силна конкуренција освои прво и трето место за ретро и невестинска фризура. На натпреварувањето учествувале фризери од Бугарија, Италија, Косово, Либан, Сирија и други земји. Наташа беше единствена претставничка од Македонија.

„Многу сум среќна и горда на својот успех. Конкуренцијата беше многу силна, учествуваа познати и искусни фризери од повеќе земји. Јас се пријавив во две категории, невестинска и ретро фризура и за двете освоив награди. Требаше многу труд и посветеност за да се дојде до крајниот резултата, но и психолошка подготвеност да го издржите притисокот на натпреварувањето. Оваа награда многу ми значи, бидејќи доаѓа во еден исклучителен тежок период за мене и моето семејство, но се надвам дека на сите полиња ќе излеземе победници и ќе тргнеме во освојување на нови животни успеси“, - изјави Додевска .

Ова е нејзина трета награда на меѓународно натпреварување, по она во Скопје и во Подгорица, Црна Гора, што е потврда за нејзиниот квалитет во работа.

Студиото „Нате“ работи од 2001 година, а плановите на сопственичката се да отвори Академија за фризери, прва во градот, која е лиценцирана од Министерството за образование.