Финишира изградбата на олимписката чешма

Олимписката чешма се наоѓа во центарот на градот, пред хотелот Кристал, а на неа ќе бидат испишани имињата на кумановските олимпијци Аце Русевски, Реџеп Реџеповски и Бранимир Јовановски.

  “ Ова ќе биде еден скромен допринос на Општината за заслугите кои постигнаа нашите сограѓани олимпијци, - изјави градоначалникот Максим Димитриевски, кога почна изградбата пред два месеци.

Оваа година Куманово е прогласено за Европски град на спортот во 2019, па во тој дух е и изградбата на олимписката фонтана, за да се оддаде признание на спортистите кои го прославиле Куманово низ светот.