„Генералка викенд“ на Спомен Костурницата во Куманово

„Мислам дека ваквите акции во иднина треба да бидат се помасовни и апел до сите граѓани, да се воздржуваат од несовесно однесување и уништување на животната средина. Бидејќи нејзина заштита зависи од повеќе фактори, од јавното претпријатие и комуналните служби, меѓутоа пред се зависи од самата совест на граѓаните“, истакна Даниел Стојчевски, директор на ЈП „Чистота и зеленило“.

 Акцијата се одржува по 4-ти пат, најмасовно досега, вклучени се сите 81 општини од државата, како и Националните паркови Шар Планина и Галичица.

За секои 10 кг. собран отпад, Министерството за земјоделство, шумарство и водостопанство, заедно со Националните шуми посветуваат по 1 дрво во нивните годишни планови за пошумување. Истите правила важеле и минатата година, била соберена поголема количина на отпад, па за Куманово биле обезбедени 200 висококвалитетни садници.

Точните локации каде ќе бидат засадени тие садници се уште не се прецизирани, но подоцна одговорните ќе ги разгледаат сите можности и потреби на градот, за да се раззелени онаму каде што има најголема потреба.