Зачленете се во нашиот клуб на читатели и најновите текстови ќе ги добивате на вашата мејл адреса
Во текот на 2009 година на териториите на Општините Куманово, Липково и Старо Нагоричане избувнале вкупно 284 пожари. Најголем број од пожарите 117 се случиле на отворен простор, 95 на објекти и 20 пожари биле предизвикани на автомобили и други сообраќајни средства.
При тоа само едно лице било полесно повредено. Во однос на минатата година противпожарната служба интервенирала помалку за 25 насто. Опремета со која располагаат е недоволна и застарена.
Оваа година не сме добиле никава помош од државата и покрај тоа што покриваме голема територија. Преку локалната самоуправа посетивме обука со пожарникарите од Франција од каде добивме едно возило за гаснење на шумски пожари. Во тек е јавна набавка за дел од колективна опрема до која ќе се подобрат условите за работа кога ќе ја добиеме - вели Дејан Илиевски, командир на Територијалната противпожарна единица Куманово.
За време на летниот период биле ангажирани и сезонски работници кои учествувале во гаснењето на пожарите. Надлежните од територијалната противпожарна единица се надеваат дека наредната година ќе има и нови вработувања и формирање на нови тимови се во интерес на граѓаните.
И.И.