Големата поддршка на митингот во Куманово е ветар во грб за победа на Пендаровски, кажа Арсиќ

Тој придружуван од раководството на општинската организација и на коалицијата на прес конференција упати благодарност до граѓаните кои во голем број дојдоа на минтингот да дадат поддршка на претседателскиот кандидат Стево Пендаровски и на нивната политичка опција.

„Куманово секогаш знае да препознае искрен и чесен пристап, и затоа нашиот Стево ужива огромна поддршка меѓу кумановци. Изразувам благодарност до сите социјалдемократи и присутни граѓани и ви давам до знаење дека вашата поддршка нема да е залудна и дека гласот даден за нашиот кандидат ќе биде глас за продолжување на европските политики и патот кон полноправно членство во Европската унија. Вашиот глас ќе биде глас за сегашниот и идниот претседател, претседател на сите граѓани, а сето тоа Стево Пендаровски го покажа и во досегашниот мандат, извршувајќи ја функцијата претседател достоинствено и чесно. Мои кумановци, останете доследни на социјалдемократските идеи и на европските вредности“, истакна Арсиќ.