Зачленете се во нашиот клуб на читатели и најновите текстови ќе ги добивате на вашата мејл адреса
На две локации во градот синоќа гореше сува трева. Пожарникарите интервенираа на локацијата Багрем бања и покрај автопатот во Диво Насеље.
Пожарот на пругата во м.в. Багрем бања го запалија граѓани од населбата Средорек, кажуваат очевидци.
„ Неколку лица прво запалија гуми и се разви голем огин. Тоа гореше можеби околу еден час, а потоа го расфрлаа наоколу и ја зафати тревата. Кога се разгоре огнот не се обидоа да го изгаснат туку се заминаа. Ова се случува секое попладне и ние што сме во зградите од другата страна на реката се гушиме во дим“, - кажуваат станарите.
Од ТППЕ Куманово информираат дека во текот на денoт немале интервенции, а во вечерните часови имале полни раце работа.
„Во Багрем Бања интервениравме на гаснење сува трева во периодот од 20.50-21.50ч. Каде учествувале 3 пожарникара со 1 ПП. Во н. Диво Насеље - автопат гасневме запалена сува трева во периодот од 21.05-23.35 часот, со едно возила и 3 пожарникари“- соопштуваат од ТППЕ Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
