Горивата поскапуваат за еден и 1,5 денар
Регулаторната комисија за енергетика, донесе одлука за зголемување на малопродажнитe цени на нафтените деривати во прoсек за 3,23 % во однос на цените на нафтените деривати утврдени согласно одлуката од минатата недела.
Од вечерва на полноќ, малопродажните цени на ЕУРОСУПЕР БС-95 и на ЕУРОДИЗЕЛ се зголемуваат за 1,00 денар. Цената за ЕУРОСУПЕР БС-95 ќе изнесува 58,00 денари по литар, додека пак цената на дизелот ЕУРОДИЗЕЛ ќе изнесува 50,00 денари по литар.
Малопродажните цени на бензинот ЕУРОСУПЕР БС-98 и на Екстра лесното масло за домаќинство се зголемуваат за 1,50 денар. Со тоа, малопродажната цена на ЕУРОСУПЕР БС-98 ќе изнесува 60,50 денари по литар, додека малопродажната цена на Екстра лесното масло за домаќинство (ЕЛ-1) ќе изнесува 39,00 денари по литар.
Малопродажната цена на мазутот М-1 НС се зголемува за 1,353 денари и ќе изнесува 24,613 денари по килограм.
(Д.Д)
НАЈНОВИ
-
Се бара координирана акција од надлежните за заштита од пожари, најкритични точки Стари Лозја и Бавчи
-
Приведени двајца возачи од Куманово возелe под дејство на алкохол
-
На ГП Табановце се чека триесетина минути
-
Продолжи судењето на градоначалникот Димитриевски, на 4 јули завршни зборови
-
Се чистат дивите депонии во „Бавчи“, ќе се постават нови контејнери
-
Авионско прскање против комарци во вторник во Куманово
