Градоначалникот Димитриевски позитивен на коронавирус

- Сега ги добив најновите резултати за новите позитивни лица во Куманово, вкупно четириесет мои драги соѓраѓани помеѓу кои сум и јас. Ве охрабрувам заедно и дисциплинирано да продолжиме во борбата против оваа заедничко зло, знам дека ќе го победиме, убеден сум во тоа, ве молам за воздржаност, нема простор за паника, барам од вас дисциплина, почитување на мерките и препораките за социјална дистанца, - напиша Димитриевски.

Тој ги моли граѓаните да ги почитуваат мерките, да ги избегнуваат блиските контакти, бидејќи здравјето е најбитно и така ќе победиме сите.

- Нема простор за паника, ОШЗС ќе продолжи со својата работа во борба против коронавирусот по препораките на епидемиолозите и стручните лица. Чувајте ми се и мислете и на себе и на своите најблиски, мислете на сите околу вас, јас останувам со вас до конечна победа, - напиша Димитриевски.