Хит претставата „Мој термин“ вечерва на Денови на комедија
Актуелната хит-претстава „Мој термин" во режија на Синиша Евтимов, а е работена по мотивите на Лорен Бафи и Висенте Виљануева, во изведба на Македонскиот народен театар Скопје, вечерва во 20 часот ќе биде прикажана во Центарот за култура "Трајко Прокопиев" во Куманово.
Оваа драма зборува за (не)возможноста на човекот да опстане внатре во општеството, без да заврши со опсесивно-компулсивно нарушување. Отвора огромен број на суштински прашања, меѓу кои: дали и покрај стравовите можеме да љубиме? Дали авторитетот денес се крие под маската на "обичен човек“ и на крајот на краиштата: дали човек откако на површина ќе ги извади сите свои зла ќе може потоа да живее со нив?
Во претставата играат актерите: Јордан Симонов, Тања Кочовска, Оливер Митковски, Николина Кујача, Александр Микиќ, Сашка Димитровска и Александар Михајловски.
НАЈНОВИ
-
Понеделник - Водици неработен ден за православните верници
-
Храна со изминат рок, лоши хигиенски услови и недостиг на санитарни книшки, казнети 32 маркети во државата
-
Пронајден пиштол во викендичка во Војник
-
Емоционална чувствителност, хроничен стрес и губење на контрола
-
МВР од вторник ќе ги тестира камерите на системот „Безбеден град“
-
Нов дрворед на „Октомвриска револуција“ - засадени 220 украсни садници