Зачленете се во нашиот клуб на читатели и најновите текстови ќе ги добивате на вашата мејл адреса
Процесот на масовна имунизација против корона вирусот се одвива со добра динамика и темпото на вакцинација и во Куманово и во државата расте од ден во ден, системот функционира без големи потешкотии, кажа Марина Додевска од СДСМ.
„Интересот за вакцинација секојдневно се зголемува, до сега се пријавиле 256.346 граѓани за вакцинација. Податоците дека за само еден ден се вакцинирани 13.725 граѓани и дека над 30% од повозрасните граѓани (над 70 години старост) примиле барем една доза, а од ден на ден оваа бројка интензивно расте, се доказ дека процесот на масовна имунизација на населението се спроведува одлично“, кажа Додевска.
Во нашата држава досега се вакцинирани над 119.000 граѓани, од нив 21.890 примиле две дози вакцина против корона вирусот. Во кумановскиот регион се вакцинирани околу 8550 граѓани со вакцината „Синофарм“ и 1500 со Фајзер и АстраЗенека вакцините.
„Само со масовна имунизација ќе успееме да ја победиме пандемијата, а одговорноста е кај секој од нас, за себе и за најблиските. Упатуваме апел до граѓаните да се вакцинираат, сите вакцини се безбедни и нема контра индикации“, заврши Додевска.
Зачленете се во нашиот клуб на читатели и најновите текстови ќе ги добивате на вашата мејл адреса
