Зачленете се во нашиот клуб на читатели и најновите текстови ќе ги добивате на вашата мејл адреса
Утре вечер со почеток во 19.30 часот, во Изложбениот салон на Центарот за култура “Трајко Прокопиев“ ќе биде отворена изложба на четири млади уметници од Куманово. Милена Тоневска - графичар, Мартина Тоневска - скулптор, Милена Христовска - сликар и Далибор Крстевски - сликар ќе се претстават пред кумановската публика.
Изложбата ќе го претстави актуелното творештво на овие млади автори каде во ист простор, преку 4 целини, публиката ќе има можност да ги осознае нивните творечки концепти. Милена Тоневска е апсолвент е Факултетот за ликовни уметности во Скопје, на педагошкиот оддел , насока графика. Учесник е на повеќе групни изложби: Струга, Тетово, Скопје и Куманово.
Мартина Тоневска е студент е на Факултетот за ликовни уметности во Скопје, насока вајарство. Излагала на повеќе групни изложби во Скопје, Куманово и Истанбул (Турција).
Милена Христовска дипломирала на Факултетот за ликовни уметности во Скопје во 2009 год. на педагошкиот оддел - насока сликарство во класата на проф. Рубенс Корубин. Постдипломец е на Факултетот за арт и дизајн при Европскиот Универзитет во Скопје. Учествувала на неколку групни изложби.
Далибор Крстевски дипломирал на Факултетот за ликовни уметности во Скопје во 2009 год. на педагошкиот оддел - насока сликарство во класата на проф. Рубенс Корубин. Учествувал на неколку групни изложби. Се занимава и со моден дизајн.
Изложбата ќе биде отворена до 11.02.2010 год.