Зачленете се во нашиот клуб на читатели и најновите текстови ќе ги добивате на вашата мејл адреса
Владата обезбеди 7,5 милиони денари за реконструкција на спортската сала Соколана и спортските игралишта покрај неа. Веќе е распишан јавен повик и наскоро ќе започне негова релизација
- Владата со јавен повик преку Агенцијата за млади и спорт кој е во завршна фаза и за кој се обезбедени средства во Буџетот на во износ од околу 7,5 милиони денари за реконструкција на Соколана со целосно зачувување на нејзиниот автентичен изглед, при што се предвидува: партерно уредување на игралиштето, целосна реконструкција на постоечкото игралиште, теренот за мал фудбал со комплетна реконструкција на трибините како и уредувањето на паркинг просторот, - изјави Драгана Коцевска од СДСМ.
Владата пред неколку месеци ги врати во владение на Општина Куманово големите спортски објекти и тоа Соколана, спортската сала, градскиот стадион и стрелиштето.
- Со тоа се отвора можност и локалната самоуправа во соработка со Владата да одвои средства за враќање на ликот и целосно обновување на овие култни места значајни за нашиот град, како и целосно ставање на овие објекти во функција на граѓаните. Соколана е еден од најубавите и најрепрезентативните објекти во Куманово, кој што воедно претставува и симбол на нашиот град и кој што сведочи за спортскиот дух на нашиот град, објектот Соколана, а кој што поради негрижата на претходната власт беше оставен на забот на времето, - додаде Петрушевска.