Колку изнесува долгот на Општина Куманово, праша ВМРО-ДПМНЕ

- Уште минатата година кога долгот на Куманово беше 17 милиони евра, градоначалникот Димитриевски уверуваше дека Општината, со помош на Министерството за финасии, своите долгови ги надмирува навремено и дека наскоро ќе се надмине проблемот со блокадата. Во име на транспарентноста јавно го прашуваме градоначалникот Димитриевски: Колку изнесува долгот на Оштината Куманово во моментот? Дали oваа презадолженост на Општината е причина поради која Димитриевски има намера да посегне по џебот на кумановци, воведувајќи наплата на веќе постоечки бесплатни паркиралишта и можеби воведувајќи и други давачки? Дали бурната реакција на јавноста го попишмани во оваа намера, па ќе почека да поминат изборите и потоа да ја реализира оваа намера за наплата на паркингот кај Градскиот базен? Дали според Димитриевски е нормално една од најзадолжените општини во Република Македонија да троши енормни 23 милиони на дневни и патни трошоци? Огромни 16 милиони денари на привремени вработувања и неколку милиони на купување на нови луксузни возила?,- праша на денешната прес-конференција Милан Давидовиќ, портпарол на ОК ВМРО-ДПМНЕ од Куманово.

Сите овие горенаведени суми се предвидени да се трошат согласно усвоениот Буџет за 2020 година на Општина Куманово.

Тој додава и дека граѓаните се тие кои сами треба да проценат дали оваа локална власт домаќински ги троши нивните парии го обвинува СДСМ дека систематски со децении го уништува Куманово.