Коњанички марш во чест на Илинден во Куманово

Маршот ќе трае три дена, од 31 јули до 2 август, во духот на македонската традиција. 

„Маршот ќе започне утре /31 јули/ во 17:00 часот од црквата „Св. Димитриј“ во населбата Тромеѓа. Коњаницата ќе тргне кон населбата Карпош, и околу 18:00 часот ќе пристигне на почетокот на улицата 120. Потоа ќе продолжи кон Ајдучка Чешма, каде што е предвидено кратко запирање околу 19:00 часот. Во 19:30 коњаниците ќе бидат кај амбулантата во населбата Перо Чичо, по што ќе се движи кон  м.в. Магаза, а завршница на првиот ден е предвидена во 20:30 часот кај училиштето во населбата Иго Тричковиќ“, велат организаторите.

Вториот ден, на 1 август, маршот повторно ќе започне од Тромеѓа, во 18:00 часот, но овојпат кон населбата Доброшане. Таму коњаницата ќе пристигне околу 19:00 часот и по кусо задржување ќе продолжи кон селото Орашац, каде што во 20:00 часот ќе пристигне кај црквата „Св. Илија“.

„На самиот празник, 2 Август, коњаниците ќе маршираат низ улиците на градот. Стартот е во 18:00 часот од Тромеѓа, а завршницата е планирана до 20:00 часот пред Спортската сала во Куманово“, се додава во соопштението.

Организаторите ги повикуваат граѓаните да се приклучат и заедно да го одбележат празникот во духот на илинденската традиција.

(Фото: Gostivarpress.mk)