Крива Паланка меѓу трите најеколошки општини

„Рангирањето е направено врз основа на голем број на критериуми како што се количини на соберен селектиран отпад  од домаќинствата и од деловните субјекти и училишта, предвидени средства од  општинскиот буџет за реализација на еко проекти и активности, спроведени еко активности за чистење на диви депонии,,  реализирани кампањи, уредени зелени површини, квалитет на инспекциски надзори и контроли и друго“ информираат од општината.

Општината го добива признанието како резултат на својата посветеност во зачувувањето и унапредувањето  на животната средина, одржливиот развој како и креирањето на навики за постапувањето со разните видови на отпад.

Трите најдобро рангирани општини ќе бидат наградени од страна на  „Пакомак“ и „Шпаркасе банка“ со соодветни еко награди.