Зачленете се во нашиот клуб на читатели и најновите текстови ќе ги добивате на вашата мејл адреса
Најдисциплинирани граѓани за време на вонредната состојба се жителите на Општина Куманово и Велес, кажа на денешната прес-конференција, министерот за внатрешни работи Наќе Чулев.
Во изминатиот период одлуката на Владата за ограничување на движењето не ја почитувале вкупно 4783 граѓани, од нив 3110 граѓани се приведени од страна на полициските службеници, но и поднесени се 2632 кривични пријави од страна на МВР.
„Најголем дел од оваа бројка потпаѓа на територијата на главниот град Скопје и СВР Битола, а најдисциплинирани биле ѓраѓаните на општините на Велес и Куманово“, додаде министерот Чулев.
Тој порача дека и покрај намалувањето на рестриктивните мерки насочени кон справување со пандемијата, сепак неопходно е и натаму да се задржи потребното ниво на одговорност и дисциплина и да се почитуваат мерките и одлуките на Владата кои се однесуваат на користење на задолжителна заштитна опрема, забрана за групирање и држење на дистанца.
Зачленете се во нашиот клуб на читатели и најновите текстови ќе ги добивате на вашата мејл адреса
