Зачленете се во нашиот клуб на читатели и најновите текстови ќе ги добивате на вашата мејл адреса
Околу 40 лица од Куманово се затруле, откако пиеле боза од слаткарницата „Љубичица„.Првите 20 заболени се јавиле синоќа и вчера во раните утрински часови.
Заболените биле со потешка клиничка слика, зголемена температура, повраќање, течни столици, изнемоштеност и болки во стомак. Сите се хоспитализирани на инфективното одделение во кумановската Општа болница.
Уште 18 лица денеска побарале лекарска помош.
Од Државниот и санитарен инспекторат извршен е инспекциски надзор, во соработка со епидемиолог од ЈЗУ Центар за јавно здравје Куманово и со претставник од Агенцијата за храна и ветеринарство при што се констатира дека станува збор за угостителски објект во кој се врши послужување слатки и безалкохолни пијалоци, а слатките и бозата се транспортирале со возило кое не е климатизирано.
Забраната за работа на слаткарницата ќе трае до исполнување на наложените против-епидемиски мерки.
Зачленете се во нашиот клуб на читатели и најновите текстови ќе ги добивате на вашата мејл адреса
