Зачленете се во нашиот клуб на читатели и најновите текстови ќе ги добивате на вашата мејл адреса
Во Општина Куманово и за време на коронакризата, се купувале станови, куќи, земјоделски земјишта и деловни простори. Куманово е на прво место со најголем број на продадено земјоделско земјиште.
Според податоците на Агенцијата за катастар, во периодот од 1 април до 30 јуни биле продадени 108 недвижности.
Од нив 32 објекти се станови, 23 куќи, 8 деловни простори, 33 земјоделски земјишта и 15 градежни парцели. За истиот период под закуп биле дадени 11 станови, 4 куќи, 23 деловни простори и 1 земјоделско земјиште.
Направените анализи покажуваат дека Куманово во овој период е на прво место со најголем број на продадени земјоделски земјишта 33, а потоа доаѓаат и Битола и Чешиново и Облешево со 30 продадени земјоделски земјишта.
Најмногу станови биле продадени во Општина Аеродром, најмногу куќи во општина Битола, а најмногу деловни простори во општина Центар. Додека пак најголем број на продадено градежно земјиште е забележано во Општина Сарај.
(Ф.Марковска)