Кумановец повреден со остар предмет во пресметка на улица

03.05.2021 - 20:00

Кумановец се здобил со убодна рана на телото откако бил нападнат од негов сограѓанин на крстосницата од ул.„Благој Илиев – Гуне“ и „Тоде Мендол“.

Кумановец повреден со остар предмет во пресметка на улица

Нападот се случил синоќа околу 23 часот, а еден од учесниците во инцидентот пукал од пиштол.

„На 02.05.2021 во 23.25 часот во СВР Куманово, Е.Ј. од Куманово пријавил дека на ул.„Благој Илиев – Гуне“ имало инцидент во кој учествувал и неговиот брат Е.Ј., при што Б.И.(34) од Куманово пукал со оружје. Полициски службеници излегле на местото и по кажување на Ј.Х.(45) од Куманово, во врска со настанот, тој и Б.И. околу 23.00 часот биле на крстосницата од ул.„Благој Илиев – Гуне“ и „Тоде Мендол“ и во тој момент им се доближило едно лице кое со остар предмет го нападнал и му нанел убодна рана на Б.И“, соопштува МВР.

Тој бил пренесен во болницата во Куманово за укажување на лекарска помош. Се преземаат мерки за расчистување на случајот.


2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk