Куманово ќе биде домаќин на Светосавската академија на 26 јануари

Академијата ќе се одржи во понеделник на 26 јануари, со почеток во 19:00 часот, во Занаетчискиот дом во Куманово.

Како и изминатите години, организаторите најавуваат квалитетна програма, со цел достоинствено и свечено да се одбележи Националниот празник на Србите.

На свечената академија се очекува присуство и учество на високи претставници од Владите на Република Северна Македонија и Република Србија, како и реномирани драмски уметници од Македонија и Србија, кои ќе дадат посебен културен белег на настанот.