Куманово ќе добие противпожарно возило со хидраулична корпа донација од Австрија

Скалата е висока 32 мери и ќе се користи за гаснење на пожарите во висококатниците. 

Во моментов тројца пожарникари од ТППЕ Куманово се на обука во Ватенс и Тирол, Австрија и Вуковар, Хрватска, за работа со возилото. По завршување на обуката, тоа ќе биде ставено во функција за навремена и ефикасна интервенција при пожари.

„Возилото е во одлична техничка состојба, се работи за возило со хидраулична скала и систем за спасување што градот Скопје го купи пред 3 години и чини над 700.000 евра, и дополнително уште едно адаптирано возило за интервенција на шумски пожари. Во рамките на овој проект ние сакаме да ги зголемиме нашите капацитети и нашето искуство, и да го зголемиме нивото на волонтеризам за заштита од пожари, и нивно опремување и стационирање на поголем број на пунктови на територија на Општина Куманово“, кажа градоначалникот Максим Димитриевски, во јуни годинава.   

Кумановските пожарникари ја покриваат и територијата на општина Липково, поради што имаа голем обем на работа, а скромна техничка опрема и недоволен број на вработени.  Возилото со хидраулична корпа е особено неопходно за гаснење на пожар во висококатниците во градот.