Зачленете се во нашиот клуб на читатели и најновите текстови ќе ги добивате на вашата мејл адреса
Ученици од основните училишта “Крсте Мисирков“ и “Кочо Рацин“ се наградени на државниот натпревар по информатика кој неодамна се оддржа на Факултетот за информатичка технологија ФИНКИ во Скопје, организиран од Здружение на информатичари на Македонија.
Никола Даневски од „Кочо Рацин“ постигна одлични резултати и освои прво место во негова категорија, додека учениците од “Крсте Мисирков“ Филип Даштевски се закити со второ место, а Дина Додевска трето место.
На натпреварот земаа учество повеќе учесници, од кои поголем број беа средношколци на возраст до 18 години. Ова е доказ дека имаме млади, талентирани програмери во нашиот град, кои со помош на изучување на програмски јазици и решавање на комплексни алгоритми можат да постигнат добри резултати на еден ваков натпревар во кој учествуваат ученици до 18 години - велат менторите на учениците, Бобан Поповски и Лидија Јордановска.
Претходно овие ученици покажаа добри резултати на регионален натпревар со што се квалификуваа за учество на државен натпревар.