Кумановските училишта добија дезинфекциски средства
Училиштата во Куманово денеска ги добија дезинфекциските средства што ги набави Министерството за здравство, заради заштита од коронавирус.
Средствата за дезинфекција рамномерно ќе бидат распоредени според бројот на ученици и паралеки во училиштата.
Општина Куманово доби 521 парче за потребите на основните училишта и 242 средства за средните училишта.
- Во текот на денот ќе бидат распоредени во училиштата и ќе се стават на користење. Според спецификацијата што ја добивме станува збор за висококвалитетен алкохолен дезинфекциенс со широк спектар, брз ефект и долготрајно дејство, кој се користи за хигиенска и хируршка дезинфекција на раце, - изјави раководителот на Одделението за основно образование Александар Саздевски.
Министерството за здравство одлучи да набави соодветна количина сапун и дезинфекциски средства за училиштата, детските градинки и јавните тоалети, како една од мерките за заштита од ширење на коронавирусот.
НАЈНОВИ
-
По три дена изгаснат пожарот во Ваксинце, настанал од запалена „дива“ депонија
-
Поради заштита од пожари целосно се забранува движење во шума од 1 јули до 31 август
-
Во Крива Паланка се гради првата монтажна гаража со 166 паркинг места
-
Повреден градежен работник во Куманово
-
Гореше нива со жито, лозја и нискостеблеста шума во Клечовце и Довезенце
-
Во Куманово во мај се запишале 850 првачиња, фалат уште 684 родени во 2019
