13. 07. 2020 13:55

Летна крводарителска акција во четврток на Трансфузиологија

Летна крводарителска акција во четврток на Трансфузиологија

Во Службата за трансфузиона медицина во Куманово, во четврток од 9 часот до 14 часот ќе се одржи крводарителска акција.

Од општинската организација на Црвен крст ги повикаат граѓаните да помогнат во зголемување на резервите на крвни единици, кои во овој период бележат пад.

„Ги охрабруваме сите здрави и подобни лица кои ги исполнуваат условите за крводарување да даруваат крв со цел да се одржи адекватното снабдување со крв за пациентите кои имаат потреба од трансфузија. Нема ризик за добивање на ковид-19 преку процесот на крводарување, бидејќи респираторните вируси не се пренесуваат преку дарување или со трансфузија на крв,“ велат од Црвен Крст.

Со одвојување на 30 минути од вашето драгоцено време, ќе станете дел од највисокиот чин на хуманоста – крводарувањето, порачуваат од организацијата.

(Д.Д.)

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk