Македонската развојна економија нуди повисоки плати и шанса за сите, порача Лукаревска

За уредувањето на ова излетничко место кое се наоѓа на пет километри од Куманово вложени се над 11 милиони денари, најголем процент од програмата за рурален развој.

„СДСМ и коалицијата „Можеме“ обезбедуваме нова македонска развојна економија, за стабилен раст, повисоки плати и шанса за сите. Продолжуваме со поддршка на домашните и странските компании со 600 милиони евра, една милијара евра странски инвестиции за следните 4 години. Невработеноста ќе ја намалуваме за 3% годишно, до едноцифрена стапка на крајот на мандатот. Платите ќе растат, минималната на 20 000 денари, а просечната на 34 000 денари, пензиите ќе ги следат платите, субвенциите за земјоделците се зголемуваат на 200 милиони евра годишно, го цениме трудот на луѓето“, рече Лукаревска.

 Таа додаде дека македонската развојна економија ги вклучува сите граѓани, а енергијата, иновативноста и креативноста ги црпи од младите луѓе и во младите уште повеќе ќе вложува.

„Создаваме амбиент во кој младите ќе го јакнат претприемачкиот дух, иновациите и креативноста. Ги поттикнуваме младите и жените да отвараат сопствени фирми со грантови до 15.000 евра. Поддржуваме стартапи формирани од млади кои нема да мора да прават административни и логистички трошоци. Инвестираме во перспективна, заедничка иднина, без разлики и поделби. Оваа држава ни припаѓа на сите подеднакво и е наша заедничка одговорност “,  додаде Лукаревска.

Затоа, на 15 јули одиме на избори заедно и ќе победиме, како што кажа кандидатката за пратеник, затоа што нема враќање на тие што не знаат економија, на тие што се против секоја мерка за враќање на парите кај граѓаните, бидејќи ги сакаат само за себе. Таа рече, дека има кој знае и тие покажале дека можат уште повеќе и уште подобро.