Зачленете се во нашиот клуб на читатели и најновите текстови ќе ги добивате на вашата мејл адреса
Фото клубот “Куманово“ во сабота на повеќе локации во градот ќе организира изложба на фотографии, како дел од манифестацијата Малински фото фестивал.
Во 13.30 часот во кафулето Wire ќе биде отворена изложбата на минијатурна фотографија „Best of best„. Во Центарот за култура “Трајко Прокопиев“ во 14.30 часот ќе биде отворена меѓу клупската изложба на фотографии “Круг“. Во Уметничката галерија во 15.30 часот ќе биде отворена самостојната изложба на фотографии на Мирослав Предојевиќ од Србија, насловена како “Фотографи и модели“, како и клупската изложба на фото клуб “Куманово“ со наслов “Тумба 2014“.
Во театар Куманово почнувајќи од 16.30 часот ќе има повеќе фото презентации и тоа на ИФСАК, Бурак Сенбак, Серкан Турац, Хулки Муради, Владимир Јовановски и Луис Алберто Франке. Во фото клуб “Куманово“ во 19.30 часот ќе се одржи клупска изложба на фотографии од Шангај арт клубот кој е еден од најактивните во Азија. На манифестацијата ќе присуствуваат еминентни имиња од светот на фотографијата како Неда Речки, Озрен Божановиќ, Драгослав Мирковиќ, Зоран Ѓорѓевиќ, Марија Јовановски и Сашо Илов.
Манифестацијата се организира за првпат и се планира да биде традиционална.
Малински фото фестивал е во чест на фамилијата Малински од Куманово, која во почетокот на 20 - от век се занимавала со фотографија.
Зачленете се во нашиот клуб на читатели и најновите текстови ќе ги добивате на вашата мејл адреса
