Зачленете се во нашиот клуб на читатели и најновите текстови ќе ги добивате на вашата мејл адреса
Еден полицаец е повреден во вчерашниот пожар што избувнал во една од собите во притворското одделение во Казнено поправната установан „Куманово“, затвор К'шање. Полицаецот е задржан во Кумановската болница поради вдишан чад и денеска ќе биде пуштен на домашно лекување.
Пожарот го предизвикал малолетник кој предходната вечер бил донесен во затворот, велат надлежните.
„Пожарот е предизвикан вчера во 12.15 часот. Веднаш интервениравме и го ставивме под конторла. При извлекување на притворените од собите еден полицаец вдишал поголема количина на чад поради што е хоспитализиран. Други повредени нема. Поради брзата реакција на вработените и противпожарната служба избегната е поголема катастрофа. Случајот е пријавен во полиција и извршен е увид на лице место“, изјави директорот Ненад Цветковиќ.
Од Регионалниот центар за управување со кризи (ЦУК) Куманово известија дека тие интервенирале на гаснење на пожарот до 13:20 часот.
Зачленете се во нашиот клуб на читатели и најновите текстови ќе ги добивате на вашата мејл адреса
