Зачленете се во нашиот клуб на читатели и најновите текстови ќе ги добивате на вашата мејл адреса
Носителот на листата на ВМРО ДПМНЕ во ИЕ2, Владо Мисајловски, денеска од градскиот плоштад во Куманово, ги повика граѓаните да излезат на гласање, бидејќи само така ќе се овозможи обнова на државата.
„Поминавме многу населени места, разговаравме за многу проблеми и дадовме аманет дека ќе помогнеме. Со гласање за бројот 14 и нашата програма, ќе овозможите обнова на сите делови во општеството. Знаете дека оваа кампања за мене почна црно. Со една фрлена бомба во мојот семеен дуќан, но јас уште првиот ден кажав дека тоа нема да ме запре. Овие 20 дена ја чувствував енергијата во целата изборна единица. Сакам да се заблагодарам на секое населено место, тука од Куманово кое не’ прими за разговор, ни даде сугестија, но и критика за некои нешта што сме ги заборавиле во минатото,“ објасни Мисајловски.
Тој посочи дека нивниот политички опонент размислува само на црни сценарија и како да ги навреди.
„Јас сум многу различен, можам да ги напаѓам за се она што не го направиле, за се она што го кријат. Затоа е добар законот што го предлага ВМРО-ДПМНЕ, за потекло на имот и да видите како политичари имате тука во Куманово. Добро е обновата да започне тука од Куманово, да зафати многу лица од врвот на СДСМ, па да дознаете каде завршуваат тие црни пари, црни тендери кои би ги нарекол и куфери“, - рече Мисајловски.
Мисајловски се заблагодари на медиумите за професионалната и добра соработка во овие 20 дена од изборната кампања.
(Д.Давитковски)
Зачленете се во нашиот клуб на читатели и најновите текстови ќе ги добивате на вашата мејл адреса
