Зачленете се во нашиот клуб на читатели и најновите текстови ќе ги добивате на вашата мејл адреса
Компанијата Mozzart Bet, денеска во Општата болница во Куманово донираше околу 500 килограми свежо овошје.
Овошјето е наменето за медицинскиот персонал кој е директно инволвиран во борбата против коронавирусот, давајќи максимум да помогнат на своите пациенти кои се лекуваат во оваа болница.
„Куманово е меѓу најпогодените региони од ковид-19, а ние веќе неколку месеци водиме деноноќна борба за справување со оваа страшна ситуација. Голема благодарност до компанијата Mozzart која се сети на нас - здравствените работници и не освежи со овие пакети овошје, кои се повеќе од добредојдени во овој период“, изјави директорката на Општата болница во Куманово, Снежана Захариева.
Mozzart пред неколку месеци во Кумановската болница донираше 10.000 евра, кои беа употребени за набавка на лична заштитна опрема за вработените.
„Компанијата Mozzart од појавата на вирусот во нашата држава организира општествено одговорни акции, помагајќи го здравствениот систем со донации, а сега дел од пакетот помош за борба против ковид го насочивме директно кон здравствените работници. Се надеваме дека овој знак на внимание ќе ги расположи и ќе им покаже дека во овие моменти ја имаат целосната поддршка од наша страна“, изјавија од менаџментот на Mozzart Bet.
Моzzart досега донираа повеќе од 50.000 евра за борба против пандемијата на коронавирусот, а оваа акција ќе продолжи со реализација и во наредниот период во болниците ширум цела Македонија, директно во подрачјата кои се најмногу погодени од коронавирусот.