„На патот“ кон поубаво Куманово

Делото има за цел да го привлече вниманието на младите кон природното и културното наследство на кумановскиот регион, како и да ја афирмира оваа планина како едно од местата за развој на руралниот, планински туризам.

„Секако, делото пред се, претставува уметничка визија на сликарот Божиновски, која го разбива сивилото на фасадите од кумановските згради. Идејата на целиот проект е да се даде поддршка на уметниците, но воедно и да се развие свеста кај локалните власти и бизнис заедницата, дека можат во голема мера да го искористат креативниот потенцијал на уметниците, и заедно да го направат кумановскиот регион поубаво место за живеење. Се надеваме и дека муралот на Божиновски ќе биде поттик за раководството на училиштето да ги ангажира уметниците за комплетно доуредување на целата фасада на училиштето. Веруваме дека со реализацијата на проектот, ќе дадеме придонес во креирањето на нов, модерен, уметнички лик на Куманово, по примерот на големите светски уметнички метрополи“, - изјави Дејан Ѓорѓиевски, директор на проектот „На патот“.