Зачленете се во нашиот клуб на читатели и најновите текстови ќе ги добивате на вашата мејл адреса
Епидемиологот Јадранка Стаменковска од Центрот за јавно здравје и Општа болница Куманово, се меѓу годинешните добитници на наградата „11 Ноември“ за 2020 година што ја доделува Општина Куманово, за постигнати резултати во здравствената заштита.
Највисоко општинско признание ќе го добијат и лекарите: инфектолог Азис Бајрами, уролог Александар Трифуновски и офтамолог Али Далипи. Во категоријата на правни лица награда ќе добие и локалната телевизија „Плус“.
Комисијата одбележување на празници и манифестации и доделување на награди и признанија на Советот на Општина Куманово, одлучи оваа година одлучи да даде шест награди, а предност да имаат здравствените работници.
Претседателот на комисијата Сашо Милковски, изјави дека за разлика од другите години овојпат комисијата едногласно донела одлука да се даде акцент на здравствените работници.
- Дефинитивно ова беше нивна година, најмногу допринесоа во борбата протв ковид-19 и тие беа првиот заштитен столб од оваа невидлива болест, - изјави Милковски.
Наградите ќе им бидат врачени на свечената седница на Денот на ослободување на Куманово-11 Ноември.
Оваа година биле предложени 21 кандидат за Ноемвриска награда, од кои 14 физички и 7 правни лица.
Зачленете се во нашиот клуб на читатели и најновите текстови ќе ги добивате на вашата мејл адреса
