Зачленете се во нашиот клуб на читатели и најновите текстови ќе ги добивате на вашата мејл адреса
Гасификација на градот што веќе две години го чека поставувањето на мерно-регулационата станица на ЈП „ГА-МА“, најверојатно ќе започне напролет. Според договорот на првите луѓе на „ГАМА“ и ЈП „КУмановогас“, станицата треба да се постави во април, по што ќе продолжат работите на проектот гасификација.
„Очекуваме првите приклучоци за правните субјекти и домаќинставата да се случат напролет. Донесен е правилник за потрошувачите, утврдена е цената за приклучок која ќе изнесува 800 евра. Минатата година од Државниот инспекторат за садови под притисок добивме решение за исправност на поставениот цевковод, откако претходно беше извршено пневматско тестирање на инсталираната делница од примарната мрежа“ - вели Момчило Мирчевски, директор во ЈП „Кумановогас“.
Проектот гасификација на Куманово се реализира четврта година. Досега се поставени 6.600 метри дистрибутивна мрежа од која 4100 се челични, а останатото полиетиленски цевки.
Гасификацијата се реализира исклучиво со сретства на Локалната самоуправа и наместо подршка од надлежните државни институции, постојано наидува на пречки.