Зачленете се во нашиот клуб на читатели и најновите текстови ќе ги добивате на вашата мејл адреса
Деветтоодделенката Натали Кировска е избрана за ученик на генерација во основното училиште „Крсте Мисирков“ во Куманово.
„Нашето училиште е едно од најголемите и најреномираните училишта во градот, пример за квалитетен кадар и успешни ученици, кои со децении наназад го китат училиштето со многу награди, признанија на општинско, државно и меѓународно ниво. Во конкуренција за првенец на генерацијата беа 12 ученика и комисијата имаше тешка задача да го избере најдобриот од најдобрите, бидејќи разликата беше во нијанси во однос на нивните постигања. Во потесна селекција влегоа 9 исклучително успешни ученици, со многу освоени награди на општинско и државно ниво. Истакнувајќи го примерот на најдобрите ученици сакам да укажам за значењето на образованието, воспитанието и знаењето. Наставничкиот колегиум на сите наградени ученици им посакува многу успех во нивното понатамошно образование, а воедно на сите ученици им посакува пријатен летен распуст“, изјави директорката Драгица Спасиќ.
На првенецот на генерацијата, но и на останатите ученици им беа доделени дипломи и плакети, поради континуиран одличен успех, примерно поведение, награди од општински, регионални, државни и меѓународни натпревари и учество во воннаставни активности.
„Посебен белег на училишните страници посветени на истакнатите ученици од деветто одделение кои ќе бидат пример за идните генерации што доаѓаат, покрај Натали Кировска од IX б, и учениците Галина Бранко IX г, Сара Стефановска IX г, Владимир Коцевски IX a, Марко Спасовски IX a, Лука Стојановиќ IX в, Јована Митровиќ IX в, Павел Манев IX г, Лина Јовановска IX б“, додава Спасиќ.
(С.Н)