Зачленете се во нашиот клуб на читатели и најновите текстови ќе ги добивате на вашата мејл адреса
Поради отворањето на вториот ковид центар на одделениејата за психијатрија и неврологија во Општата болница Куманово, од денеска пациентите кои имаат потреба од лекување на овие два оддели ќе бараат здравствена заштита во стариот Ургентен центар и во бараката на Центарот за зависности .
Од болницата утринава ги информираа пациентите за дислокација на одделенијата.
- Согласно моменталната состојба со ковид-19 во нашата држава и следејќи ги препораките на Министерството за здравство, должни сме да ги прошириме нашите капацитети за прием и третман на болни од корона вирус.Во Општа болница Куманово, се отвара нов ковид центар - инфективно 2 на место на одделот психијатрија и неврологија. Ве известуваме доколку имате потреба од невролошки преглед, упатете се во стариот Ургентен центар, каде што ќе има достапно дежурен лекар невролог, а психијатриските прегледи се во бараката Центар за зависности, каде што ќе има достапно лекар психијатар и психолог. Пациентите со симптоми на ковид-19 пациентите ќе се примаат на инфективно одделение каде што ќе се врши тријажа, согласно здравствена состојба на пациентите, - соопштуваат од Општа болница Куманово.
Пациентите со невролошки проблеми, кои имаат термини од матичен лекар, како и до сега на преглед ќе одат во невролошката амбуланта каде што се и интернистичките амбуланти во административната зграда. Додека оние што се со приоритетни упати и итни случи во стариот Ургентен центар, објаснуваат од болницата.
Од болницата информираа дека новиот број на установата е 031/420-676.
Зачленете се во нашиот клуб на читатели и најновите текстови ќе ги добивате на вашата мејл адреса
