Зачленете се во нашиот клуб на читатели и најновите текстови ќе ги добивате на вашата мејл адреса
Од синоќешните врнежи со град уништени се насади со бостан, пипер, патлиџани, лозја, пченка, тутун и житарици во повеќе села во регионот. Жителите велат дека 80 одсто од родот повеќе го нема во нивите.
Видовме облак и за 15 минути паѓаше град со големина на орев. Раноградинарските култури се најоштетени. Беше многу јако , искрши ролетни, садови пластични што беа надвор - вели жител на село Режановце.
Останатите селани велат дека оштетениот род ниту можат да го продадат, ниту за себе да го искористат. Иста е состојбата и во селата од липковско.
Имам 2,5 декари со патлиџани, има и компири. Не знам што ќе правам за штетата. Ако месната заедница не е заинтересирана не знам каде да се обратам за да ми се надомести - додава друг земјоделец.
Од Центарот за управување со кризи излегле на терен за да направат увид и велат дека општина Липково ќе формира комисија за проценка на штетите.
Зачленете се во нашиот клуб на читатели и најновите текстови ќе ги добивате на вашата мејл адреса
