Никола Бојковски го фати крстот во црквата „Свети Никола“

Бојковски првпат го фаќа крстот, а повеќе години скокал по него на големиот христијански празник Богојавление - Водици.

Тој посака здравје и среќа на сите свои сограѓани.

Среќното момче од Кумановско – Осоговската епархија доби икона, крст и други подароци.

Градоначалникот Максим Димитриевски му посака многу здравје, среќа и успех на Бојковски, а од името на општината му подари телевизор.

„Денеска го чествуваме празникот на осветувањето на водите, како вековна традиција на нашите предци. Посакувам оваа традиција  да ја продолжиме во духот на христијанството и заедно да го сочуваме духовното наследство и да ја зацврстиме вербата во Бога. Нека е честит и вековит денешниот празник“, рече Димитриевски.

Оној што ќе го фати Светиот крст се верува дека ќе го следи благослов и среќа во текот на целата година. Фаќањето на крстот значи соединување на човекот со Христа, а се верува дека со спуштањето на крстот водите се осветуваат и стануваат лековити.