Зачленете се во нашиот клуб на читатели и најновите текстови ќе ги добивате на вашата мејл адреса
Државниот завод за статистика денеска објави трет дополнителен јавен конкурс за ангажирање на реонски попишувачи, кои ќе учествуваат во спроведувањето на Пописот на населението, домаќинствата и становите во Република Северна Македонија.
Во Куманово се бараат 59 реонски попишувачи, од кои 49 на македонски јазик, тројца на турски и седум на српски јазик.
„Апелираме до сите заинтересирани лица да се пријават на конкурсот и на тој начин да придонесат во креирањето на сопствената иднина. Врвен приоритет на Државниот завод за статистика, покрај успешното спроведување на оваа најважна статистичка операција, е и нејзино безбедно спроведување од здравствен аспект. Уверуваме дека со доследно почитување на Протоколот за превентивни мерки при спроведување на Пописот, нема ризик од заболување. Исто така, за ангажманот лицата ќе добијат солиден надоместок, кој се пресметува врз основа на веќе воспоставена методологија“, соопштуваат од Државен завод за статистика .
Конкурсот ќе трае само два дена, односно од 18 до 20 март.
Во останатите пет општини во Североисточниот регион пополнети се местата за реонски попишувачи.
Условите на третиот јавен конкурс за попишувачи може да се видат ТУКА иако остануваат како и на претходните два. Лицата да се државјани на Македонија, да имат завршено средно образование и да се невработени, а како дополнителни услови се познавање со работа со компјутер и познавање на јазикот за оние места каде има потреба.
Изборот на пријавените кандидати ќе се врши по пат на тестирање (проверка за познавање на општи работи од областа на статистиката и познавање на работа со персонален компјутер).