Оливер Илиевски кандидат на СДСМ за градоначалник на Куманово

Илиевски синоќа ја добил поддршката на извршниот одбор на партијата, а кандидадурата ја соопшти потпретседателот на СДСМ Љупчо Николовски, на денешната прес-конференција.  

„Ќе започнам од бастионот на СДСМ од победничко Куманово, во Општината каде актуелниот градоначалник самиот отиде против себе, против СДСМ, против граѓаните, со што и самиот се исклучи од партијата. Оливер Илиевски е дипломиран економист, директор на ЈП Водостопанство Кумановско-липковско поле, секретар на општинската организација на СДСМ Куманово, кој има искуство во манаџмент на јавни и приватни компании. Успешен, чесен, народен човек, близок и почитуван и од членовите, но анкетите покажуваат голема почит и од граѓаните. Да биде јасно СДСМ во Куманово има еден кандидат, ја има најдобрата понуда за кумановци, а тоа е Оливер Илиевски“, изјави Николовски.

Покрај Илиевски кандидатури за градоначалника на Куманово поднесоа и пратеникот Мартин Костовски, претседателката на Советот, Атина Мургашанска и актуелниот градоначалник Максим Димитриевски.

Откако не доби поддршка на партијата Димитриевски собра потписи за независен кандидат.